Plantun de Prouvènço

Pèr coumpara dos planto d'encò nostre

Dipsacus fullonum & Scrophularia nodosa

Cardoun-bastard

Dipsacus fullonum

Caprifoliaceae Dipsacaceae

Àutri noum : Cardo-man, Erbo-di-goubelet, Erbo-de-goubelet.

Noms en français : Cardère sauvage, Cabaret des oiseaux.

Descripcioun :
Grando planto que s'arremarco proun emé si tèsto flourado que dounon d'èr à de gròssi pigno lardado de pouncho drecho, e peréu si cambo espinouso, e si fueio en goudet mounte lis aucèu vènon s'abéura.

Usanço :
Soun cousin, lou cardoun o penchinedo, servié au tèms passa à carda lou drap de lano. Se destrìo dóu cardoun-bastard qu'a li pouncho recourbado. Se n'en vèi quàsi pu. S'atrobo d'inulino dins la racino, quaucarèn vist coume prebioutico.

Port : Grando erbo
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Dipsacus
Famiho : Caprifoliaceae
Famiho classico : Dipsacaceae

Coulour de la flour : Vióuleto
Petalo : >6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau
Estànci : Pancaro entresigna
Couroulougi : Pancaro entresigna
Ref. sc. : Dipsacus fullonum L., 1753

Erbo-dis-escrolo

Scrophularia nodosa

Scrophulariaceae

Nom en français : Scrofulaire noueuse.

Descripcioun :
L'erbo-dis-escrolo douno d'èr à l'erbo-dóu-siège, pamens èi mens forto, sa tijo èi carrado mai sènso alo e pleno (fotò). Ei gaire coumuno au nostre, aleva dins lis Aup marino. Trachis dins li relarg fres.

Usanço :
Coume soun noum lou dis, l'erbo-dis-escrolo èro emplegado pèr gari (o pulèu sougna) lis escrolo que soun de boufigo (fotò) que vènon dins lou còu en rapport emé la tuberculòsi que ié disien à l'Age-Mejan, en latin, struma o morbus regius (mau de rèi). A l'Age-Mejan li rèi an lou poudé de gari lis escrofo ("écrouelles" en francés). A forto doso la planto pourrié èstre empouisounanto.